Þrjóska og afmæli.

23.4.2008 | 21:59

Síðasti vetrardagur og afmælisdagur hjá Goða Wizard . Eins árs í dag ef við erum að skilja þetta rétt. Gerði svo sem ekkert sérstakt á afmælisdaginn sinn annað en að vera hundur og gera sína hundahluti. Fór svo í einkatíma hjá Atla og var heldur undrandi þegar ég skildi hann einan eftir hjá Atla í kvöld.

Annars er það í frásögur færandi að loks kom að þrjóskunni hjá honum sem að Atli hafði átt von á. Í síðasta tíma neitaði okkar maður alveg að taka þátt í "taka" ,"halda" æfingum Pinch . Aumingja Atli var alveg sveittur Police við að fá hann til að taka þátt í æfingunni og úr varð heljarinnar þrjósku slagur á milli hunds og þjálfara. Ég er á því að þjálfarinn hafi haft sigur í uppbótartíma en tæpt var það.

Fengum okkur líka búr í bílinn og ætti það að draga úr hundahárum í sætunum. Hann hefur hingað til flakkað um bílinn eins og hann lysti til þegar hann hefur verið skilinn eftir einn í einhvern tíma með tilheyrandi hárum og sliti á sætum.

En það gengur mjög vel með hann í æfingum og hann er rosalega góður í labbtúrum núna. Labbar flott við hæl og fylgir skipunum mjög vel. Ekki fullkomlega en mjög vel. Okkur finnst þetta ganga vonum framar og krossum eiginlega bara puttana, bönkum í tré og segjum 7, 9, 13.

Kv. Kej.

Flokkur: Bloggar | Facebook

Athugasemdir

Gleðilegt sumar

takk fyrir

skemmtilegan bloggvetur.

Knús og klemm frá mér

Sigrún Friðriksdóttir, 24.4.2008 kl. 16:36

Takk og sömuleiðis kæra vinkona. Aldrei að vita hvað gerist í sumar ef útþráin er mikil . Annars virðist þið stöllur vera lítið heima við hehe.

Inga Sveinbjörg Ásmundsdóttir, 25.4.2008 kl. 21:06

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Inga Sveinbjörg Ásmundsdóttir

Þetta blogg er dagbók 4 manna fjölskyldu í Reykjanesbæ.

Upphaflega var hugmyndin með þessu bloggi að leyfa áhugasömum að fylgjast með framvindu þjálfunar á border collie hundi sem við fengum um árámótin 2008. Markmið þjálfunar var m.a. að kenna hundinum honum Goða að passa upp á hann Berg sem er einhverfur 13 ára drengur. Við vildum líka geta horft til baka og skoðað þetta aðeins í baksýnisspeglinum.

Bloggið hefur síðan þróast aðeins og hinar og þessar hugleiðingar hafa dottið hingað inn og ekkert endilega tengdar honum Goða sem bloggið er þó nefnt í höfuðið á.

Allir þeir sem hafa áhuga á að fylgjast með okkur og jafnvel koma með innlegg eru velkomnir. Fjölskyldumeðlimir eru:

Kristinn Edgar Jóhannsson

Inga Sveinbjörg Ásmundsdóttir

Bergur Edgar Kristinsson

Gyða Sveinbjörg Kristinsdóttir

Goði Freyr Gyðuson