Breytingar á heimilislífinu.

Það er nokkuð magnað að sjá hvaða breytinar hafa orðið á heimilislífinu hjá okkur á þessum stutta tíma sem hundurinn hefur verið hjá okkur.  Heimilisrútinan hjá okkur var komin í nokkuð fastar skorður og eitt og annað hjá okkur var kannski ekki eins og við hefðum viljað hafa það.  T.d. var allt of mikið sjónvarpsgláp hjá krökkunum og borðuðu þau aldrei morgunmatinn sinn öðruvísi en yfir sjónvarpinu.  Eins var það fastur liður eftir kvöldmatinn að þau fóru í einhvernskonar leik sem gekk út á það að hlaupa argandi og gargandi um húsið og atast í hvort öðru þar til einhver fór að grenja. Þetta var bara eitthvað sem datt í sínar föstu skorður og okkur hafði ekki tekist að brjóta upp. 

Eftir að Goði kom inn til okkar þá er ekki lengur borðað yfir sjónvarpinu því sjónvarpsborðið er svo lágt að hundurinn getur bara etið matinn þeirra ef þau passa sig ekki. Dregið hefur mjög mjög mikið úr sjónvarpsglápi og er það alveg frábært. Í staðin fyrir að atast í hvort öðru eru þau núna upptekin af að atast í hundinum.  Stundum eru soldið mikil læti í henni Gyðu og nær hún að æsa kvikindið soldið mikið upp stundun en það er nú bara eins og það er.   

Eins er hann duglegur að draga okkur hjónin út í labbitúra og neyða þannig í okkur súrefni og hreyfingu og það hlýtur að vera jákvætt. 

Athugasemdir

[Inga Ósk (IP-tala skráð) 25.1.2008 kl. 21:05]

Hæhæ, öll,

En gaman að fá einn sætann snúlla inn á heimilið sitt, vá hvað ég sé hann Berg fyrir mér snúllast í kring um Goða ;)

Med venlig hilsen

Inga

[Inga (IP-tala skráð) 26.1.2008 kl. 19:11]

Takk Inga Ósk.  Já mikið snúllast hjá þeim báðum og allir mjög ánægðir með þetta fyrirkomulag :)